Ngrohja qendrore në Shkup shtrenjtohet 5,96% nga 1 gushti
Për qytetarët që përdorin ngrohje qendrore nga EMV-ja, çmimi rritet afërsisht 140 denarë për një banesë prej rreth 60 metra katrorë.
SHKUP — Ngrohja qendrore në territorin e Shkupit shtrenjtohet me 5,96% më 1 gusht. Për një banesë prej rreth 60 metra katrorë, shtrenjtimi arrin rreth 140 denarë, sipas përllogaritjeve të Komisionit Rregullator të Energjetikës.
Kreu i komisionit, Aco Ristov, tha se në metodologjinë e formimit të çmimit vëmendja kryesore iu kushtua gazit, ndërsa lëvizjet e inflacionit mbetën faktor i pashmangshëm çdo vit. "Kemi inflacion që rritë çmimet e shërbimeve dhe mallrave të cilat janë pjesë e formimit të çmimeve përfundimtare," tha Ristov. Komisioni vendosi për rritjen minimale të çmimeve këtë vit.
Periudhën që vjen, sipas Ristov, duhet të ndodhë bashkimi i të gjitha kompanive të EMV-së për ngrohje, me qëllim optimizimin e burimeve dhe rritjen e efikasitetit, që nënkupton çmime më të volitshme për konsumatorët në të ardhmen.
Burim: Alsat-M
— Redaksia ZHURMA