Neymar hedh poshtë pensionimin, pas dhjetorit i shqyrton të gjitha opsionet

SANTOS — Neymar Junior i ka hedhur poshtë spekulimet për një pensionim të mundshëm nga futbolli, duke deklaruar se për momentin mbetet i fokusuar te Santos. Sulmuesi brazilian, kontrata e të cilit me klubin i skadon në dhjetor, ka theksuar se dëshiron të japë maksimumin teksa mbyll sezonin.

«Nuk po mendoj për daljen në pension. Kam kontratë me Santosin deri në dhjetor dhe dua të bëj më të mirën për klubin. Pas kësaj, do t'i shqyrtoj opsionet e mia», deklaroi Neymar, në një përgjigje të drejtpërdrejtë ndaj zërave për të ardhmen.

34-vjeçari pranoi se ende nuk ka marrë një vendim për periudhën pas përfundimit të kontratës. «Do t'i konsideroj të gjitha opsionet: të qëndroj, të iki, të dal në pension, të vazhdoj të luaj... Nuk e di! Ka ende kohë deri në dhjetor. Do ta shohim», shtoi ai.

Neymar foli edhe për mundësinë e rikthimit te kombëtarja braziliane, pasi babai i tij kishte lënë hapur këtë skenar. «Nuk është babai im që po luan!», tha me shaka, pa e përjashtuar rikthimin. E ardhmja e tij mbetet e hapur e vendimi pritet pas dhjetorit.

Burim: Ora News
— Redaksia ZHURMA