Mustafa: S'kam hequr dorë nga bashkëpunimi me VV-në

Deputeti i Partisë Demokratike të Kosovës, Rrustem Mustafa, i njohur si Remi, ka deklaruar se nuk ka hequr dorë nga bashkëpunimi i mëtejshëm me Lëvizjen Vetëvendosje. Gjatë një paraqitjeje në emisionin Pressing, ai tha se synojnë të kundërshtojnë vendimin e Gjykatës Speciale përmes një strategjie shtetërore.

Mustafa theksoi se bashkëpunimi me partinë në pushtet duhet të vazhdojë edhe përtej kësaj çështjeje. «Me strategjinë shtetërore do ta rrëzojmë vendimin e keq. Nuk kam hequr dorë nga bashkëpunimi i mëtejshëm me LVV-në, që ta çojmë deri në vend e të ecim edhe përtej nevojës për Gjykatën Speciale», u shpreh ai.