Bashkim Jashari priti agjutantin e Gardës Kombëtare të Ajovës

Komandanti i Forcës së Sigurisë së Kosovës, gjenerallejtënant Bashkim Jashari, ka pritur në Kazermën “Adem Jashari” në Prishtinë agjutantin e përgjithshëm të Gardës Kombëtare të Ajovës, gjeneralmajorin Stephen E. Osborn. Vizita zyrtare e gjeneralit amerikan u shoqërua me ceremoni të larta ushtarake, ndërsa Jashari i ndau atij Medaljen për Shërbim Vetëmohues në shenjë mirënjohjeje për kontributin në forcimin e partneritetit dypalësh. Sipas institucioneve, bashkëpunimi ndërmjet FSK-së dhe Gardës Kombëtare të Ajovës dëshmon miqësinë e përhershme ndërmjet Kosovës dhe Shteteve të Bashkuara të Amerikës.

Siç raportoi Zhurma më 16 tetor 2026, delegacioni i FSK-së i inkorporuar në takime zyrtare kishte zhvilluar vizita në Pentagon dhe me vetë Gardën Kombëtare të Ajovës.