Mucunski: E papërshtatshme që një shtet i BE-së të strehojë të dënuar

Ministri i Punëve të Jashtme dhe Tregtisë së Jashtme, Timço Mucunski, ka deklaruar gjatë një konference të përbashkët për shtyp me homologun e tij sllovak, Juraj Blanar, se është e pahijshme që një vend anëtar i Bashkimit Evropian të shërbejë si strehë për individë të dënuar për vepra penale apo për persona ndaj të cilëve zhvillohen procedura gjyqësore. Duke iu përgjigjur interesimit të gazetarëve për rastin «Iva Mihajllova», ai nënvizoi se autoritetet maqedonase nuk kanë interes të bëhen pjesë e spektaklit dhe e debateve të brendshme politike në shtetin fqinj, sidomos në periudhën e zhvillimit të zgjedhjeve presidenciale atje.

Siç raportoi Zhurma më 22 tetor 2026, Prokuroria Themelore Publike në Koçan kishte konfirmuar se e akuzuara nuk ishte e kapshme për organet e drejtësisë pas aksidentit tragjik ku humbi jetën Besim Durmishi, çka kishte çuar në vendimin që ajo të gjykohet në mungesë.