Pse blen MPB-ja e Sveçlës fanella sportive me 870 euro?

PRISHTINË — Ministria e Punëve të Brendshme, e drejtuar nga ministri në detyrë Xhelal Sveçla, ka nënshkruar më 15 qershor 2026 një kontratë prej 870 eurosh për furnizim me pajisje sportive. Tenderi kishte vetëm një ofertues dhe një ofertë të përgjegjshme.

Kontrata përfshin 10 komplete sportive: fanella të markës Givova, shorce, çorape, atlete futbolli dhe stampime të personalizuara me logon e MPB-së në pjesën e përparme, plus emra e numra sipas dëshirës në pjesën e pasme.

Dokumenti i tenderit e përshkruan furnizimin si për "stërvitje sportive", me specifikime teknike që theksojnë "ventilimin e djersës" dhe këmbë "të freskët" gjatë aktiviteteve. Pajisjet do të personalizohen me stampim profesional rezistent deri në 40 gradë celsius.

Blerja vjen në një kohë kur Kosova vazhdon pa institucione të konstituuara dhe qytetarët përballen çdo ditë me probleme ekonomike. MPB-ja i ka gjetur mjete buxhetore për një prioritet që e ngjason më shumë me ekipin sportiv sesa me nevojat e një institucioni shtetëror në krizë institucionale.

Tenderi i vetëm-ofertuesit dhe vlera simbolike e kontratës — 870 euro — e bëjnë të vështirë të argumentohet se bëhet fjalë për kursim buxhetor. Personalizimi i plotë me logo, emra e numra e kthen furnizimin në identitet vizual të një ekipi, jo në pajisje funksionale stërvitore.

Zgjedhja e këtij momenti për blerje sportive, ndërsa shteti mbetet pa qeveri të plotë, ngre pyetjen se cilat janë vërtet prioritetet e një ministrie në detyrë që administron rendin e brendshëm me buxhet të kufizuar.

Burim: Demokracia.com
— Redaksia ZHURMA