Motoçiklistët do të ndëshkohen automatikisht nga “Qyteti i Sigurt”
Ministri i Punëve të Brendshme, Pançe Toshkovski, njoftoi se motoçiklistët do të sanksionohen automatikisht për tejkalimin e shpejtësisë.
Drejtuesit e motoçikletave do të ballafaqohen me gjoba automatike nëse tejkalojnë kufijtë e shpejtësisë, sipas njoftimit të bërë nga ministri i Punëve të Brendshme, Pançe Toshkovski. Deri tash, pajisjet e këtij rrjeti identifikonin vetëm kalimet e ndaluara në semaforë për këtë kategori mjetesh, por tashmë është vënë në funksion edhe regjistrimi i shpejtësisë për to.
Gjatë deklaratës së tij, ministri vuri në dukje se ky vendim synon shtimin e masave mbrojtëse në rrugë, duke përmendur shifrat sipas të cilave katër nga gjashtë viktimat e regjistruara në ngjarjet fatale të trafikut gjatë këtij muaji i përkisnin tociklistëve. Për më tepër, u bë e ditur se ky rrjet teknologjik operon aktualisht në disa zona, përfshirë Shkupin, Kumanovën, Tetovën dhe Korridoret 8 e 10, ndërsa përhapja e tij parashikohet të shtrihet në Veles, Kavadar dhe Negotinë deri në mesin e shtatorit.
Krahas kësaj, kreu i mpb-së tregoi se platforma do t'u mundësojë banorëve kryerjen e pagesave të gjobave nëpërmjet internetit. Në të njëjtën kohë, u raportua një rënie prej rreth 35 për qind e jetëve të humbura në aksidente gjatë këtij viti krahasuar me periudhën e kaluar, ku numri ra nga 96 në 59 persona.