Modriq ngacmon Çalhanoglun për transplantin e flokëve
Mesfushori i Milanit ia preku kokën kapitenit të Interit pas ndeshjes miqësore të zhvilluar në Perth të Australisë.
PERTH — Mesfushori i Milanit, Luka Modriq, ka bërë shaka me kapitenin e Interit, Hakan Çalhanoglu, lidhur me transplantin e tij të fundit të flokëve pas derbit miqësor të zhvilluar në Australi. Kroati iu afrua me buzëqeshje mesfushorit turk dhe ia preku lehtë kokën, duke shkaktuar të qeshura te të dy lojtarët në fushë.
Ndeshja miqësore midis Milanit dhe Interit përfundoi në barazim 1-1, ku 40-vjeçari Modriq regjistroi minutat e para të sezonit duke u inkuadruar në lojë në minutën e 62-të. Ky moment mes dy lojtarëve u kap nga kamerat dhe u shpërnda shpejt në rrjetet sociale, duke u bërë viral pas përfundimit të takimit.
Kroati ka nënshkruar një kontratë të re me Milanin deri në qershor të vitit 2027, duke synuar vazhdimin e karrierës edhe pas Kupës së Botës. Ky moment dëshmon raportin e mirë jashtë fushës mes dy lojtarëve që përfaqësojnë klubet rivale të qytetit të Milanos.
Burim: Telegrafi
— Redaksia ZHURMA
