Si mashtroi "doktori i rremë" 56-vjeçar tre familje në Serbi?
Kush e ndihmoi policinë serbe të kapë mashtruesin që luante rolin e mjekut për të zhvatur para?
VRANJË — Policia e Vranjës ka arrestuar një shtetas 56-vjeçar të Maqedonisë së Veriut me iniciale S.K., i dyshuar si "doktori i rremë" që mashtroi tre banorë të këtij qyteti serb. Ministria e Punëve të Brendshme e Serbisë njoftoi se arrestimi u realizua më 13 qershor, pas një sërë telefonatash nga 4 deri më 13 qershor.
Mekanizmi ishte i njëjtë: fillimisht i telefononte viktimave në numrat fiks, i bindte se të afërmit e tyre ishin "lënduar rëndë" dhe se "urgjentisht kishin nevojë për para". Më pas shkonte vetë në shtëpitë e tyre dhe merrte shuma të mëdha parash. Tre shtetas serbë ranë në këtë kurth.
Arrestimi u bë në bashkëpunim me Qendrën Rajonale të Policisë Kufitare. Hetuesit serbë vazhdojnë punën për të përcaktuar shumën e përgjithshme të zhvatur dhe nëse ka viktima të tjera.
Burim: Almakos
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.