Valter Lleshi vritet në Mirditë
Si lidhet vrasja e sotme në Mirditë me vrasjen e Anton Kelit më 2020?
MIRDITË — 45-vjeçari Valter Lleshi është gjetur i vrarë me armë zjarri këtë të hënë në fshatin Shkorret, në aksin Reps–Spaç. Ai u gjet pa shenja jete brenda makinës së tij tip 'Toyota', ndërsa ishte nisur për në punë. Në vendngjarje janë gjetur 18 gëzhoja, ndërsa mësohet se ka marrë plumba në kokë dhe trup.
Lleshi dyshohet të jetë autori i vrasjes së taksistit Anton Kelit në Rrëshen më 2020, si dhe kishte punuar si shofer i makinerive ku ishte vendosur tritol disa muaj më parë. Policia ka ngritur një grup të posaçëm hetimor për zbardhjen e rrethanave.
Hetimet vijojnë nën drejtimin e Prokurorisë për identifikimin dhe kapjen e autorit. Vrasja e tij, në dritën e historikut të dhunës, nxjerr në pah vështirësinë e shkëputjes nga ky cikël.
Burim: Telegrafi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.