Ish-drejtuesja e AKSHI-t Mirlinda Karçanaj paraqitet në SPAK

Ish-drejtoresha e Agjencisë Kombëtare të Shoqërisë së Informacionit, Mirlinda Karçanaj, është paraqitur pranë Prokurorisë së Posaçme për të përmbushur detyrimet e masës së sigurisë «Detyrim paraqitje», e cila është caktuar ndaj saj në kuadër të hetimeve që po zhvillohen për dosjen e tenderave.

Procedimi penal, sipas hetimeve të organit të akuzës, përfshin dyshime për manipulimin e procedurave të prokurimit publik, pengimin e konkurrencës së lirë, favorizimin e operatorëve të caktuar në tenderët me vlera të larta, si dhe dyshime për pastrim parash, konkurrencë të paligjshme përmes presionit dhe heqje të paligjshme të lirisë. Në këtë dosje hetimore janë përfshirë gjithashtu persona të tjerë, ku përfshihen ish-zyrtarë të institucionit si dhe biznesmenët Ergys Agasi dhe Ermal Beqiri.

Siç raportoi Zhurma më 06.10.2026, ish-drejtoresha e këtij institucioni është paraqitur më parë në Prokurorinë e Posaçme në zbatim të masës së sigurisë.