Mirlind Daku hap sezonin me gol për Rubin Kazanin në minutën 12
Sulmuesi vazhdon të jetë lider i Rubin Kazanit
PRISHTINË — Mirlind Daku e ka nisur në mënyrën më të mirë të mundshme edicionin e ri në elitën e futbollit rus. Sulmuesi kosovar gjeti rrjetën që në paraqitjen e parë të sezonit me Rubin Kazan, duke shënuar golin e epërsisë ndaj Krasnodar, nënkampionit rus.
Daku realizoi për 1-0 në minutën e 12-të të takimit, duke treguar edhe një top jashtë zonës, mes dy mbrojtësve, duke e udhëhequr bukur, pastaj duke e dërguar në rrjetë. Reprezentuesi kosovar ishte një prej lojtarëve më të rëndësishëm të Rubin Kazanit edhe sezonin e kaluar.
Në këtë përballje, përveç Dakut, nga minuta e parë për Rubin Kazanin u paraqitën edhe futbollistët kosovarë Nazmi Gripshi dhe Veldin Hoxha. Ndërkohë, Dardan Shabanhaxhaj nuk ishte pjesë e skuadrës për këtë takim. Burim: Demokracia, https://demokracia.com/mirlind-daku-e-nis-me-gol-sezonin-e-ri-sulmuesi-vazhdon-te-jete-lider-i-rubin-kazanit/
— Redaksia ZHURMA