Ministria vazhdon shtesën prej 150 eurosh për mjekët e sektorit publik
Masa mbështetëse vlen vetëm për stafin shëndetësor që angazhohet ekskluzivisht në spitalet publike.
PRISHTINË — Ministria e Shëndetësisë ka njoftuar se ka nënshkruar vendimin për vazhdimin e shtesës prej 150 eurosh në muaj për mjekët që punojnë vetëm në sektorin publik shëndetësor. Ky vendim ka për qëllim të kontribuojë në fuqizimin e sistemit shëndetësor shtetëror.
Sipas njoftimit zyrtar të ministrisë, kjo politikë ka për qëllim të vlerësojë angazhimin dhe përkushtimin e mjekëve që angazhohen ekskluzivisht në sektorin publik. Kjo mbështetje financiare parashihet specifikisht në rregulloren për shtesën e nëpunësit të sistemit shëndetësor.
Neni 4 i kësaj rregulloreje shprehimisht përcakton se shtesa për nëpunësin e sistemit shëndetësor përfitohet nga nëpunësi shëndetësor i cili vendos të ushtrojë profesionin e tij vetëm në institucion shëndetësor publik.
Burim: Kallxo
— Redaksia ZHURMA