Çfarë zgjidhje premton Mickoski për provimin e jurisprudencës në shqip?
Kryeministri i Maqedonisë së Veriut premton zgjidhje për përdorimin e gjuhës shqipe në provimin e jurisprudencës pas protestave studentore.
OHËR — Pas protestave të studentëve shqiptarë në Shkup, kryeministri Hristijan Mickoski ka paralajmëruar se shumë shpejt do të zgjidhet çështja e përdorimit të gjuhës shqipe në provimin e jurisprudencës.
Duke folur në një aktivitet gjatë së dielës në Ohër, Mickoski tha se është i gatshëm të diskutohet përdorimi i gjuhëve në këtë provim. Sipas tij, nuk ka pengesë që komunitetet të kenë të drejtën të përdorin gjuhën e tyre brenda kornizës kushtetuese dhe ligjore.
"Shumë shpejt do të vijmë në një zgjidhje që të gjithë duhet ta mbështesim dhe që do t'i kapërcejë mbi interesat dhe tendencat individuale partiake dhe ndoshta politike që të ngecim edhe në një grackë nacionaliste", ka thënë Mickoski.
Burim: Zëri
— Redaksia ZHURMA