Çairi nderon arkitektin polak që shpëtoi Çarshinë e Shkupit
Pllaka përkujtimore për arkitektin polak u vendos në Çair, në shenjë mirënjohjeje për rindërtimin e Shkupit pas tërmetit të vitit 1963.
Redaksia ZHURMA · · Përditësuar · 1 min lexim
SHKUP — Kryetari i Komunës së Çairit, Izet Mexhiti, priti në takim ambasadorin e Polonisë në Maqedoninë e Veriut, Mariusz Brymora, pas vendosjes së pllakës përkujtimore për arkitektin e njohur polak, Adolf Ciborowski. Ky i fundit vlerësohet për kontributin e tij të jashtëzakonshëm në rindërtimin e qytetit.
Gjatë këtij takimi, u diskutua veçanërisht angazhimi i Ciborowskit për ruajtjen e Çarshisë së Vjetër të Shkupit, pas tërmetit të vitit 1963. Mexhiti theksoi se nderimi i arkitektit polak është dëshmi e përkushtimit për ruajtjen e trashëgimisë së përbashkët dhe për forcimin e marrëdhënieve dypalëshe ndërmjet dy vendeve.
Në fund të takimit, kryetari Mexhiti e falënderoi ambasadorin Brymora për vizitën e tij zyrtare dhe për mbështetjen e vazhdueshme të Polonisë në avancimin e marrëdhënieve miqësore ndërmjet dy vendeve, duke vlerësuar bashkëpunimin ndërkombëtar si thelbësor për mbrojtjen e vlerave të përbashkëta.
Burim: Tetova Sot
— Redaksia ZHURMA
