Pse u prish dënimi me burg përjetë për Mexhit Picarin?

TIRANË — Mexhit Picari, i dënuar me burgim të përjetshëm për vrasjen e dhëndrit të tij Kudret Saliaj, do të rigjykohet sërish në Gjykatën e Apelit me një jetë trupë gjykuese. Kjo pasi Gjykata e Lartë ka prishur vendimin e 12 korrikut 2023 të Gjykatës së Apelit në Tiranë.

Avokati i tij, Adriatik Cama, kishte bëri rekurs, duke kërkuar që dhe ish-bashkëshortja e viktimës, Dhurata Saliaj, të dënohej për bashkëpunim në vrasje.

Gjykata e Apelit kishte lënë në fuqi dënimin me burgim të përjetshëm për Mexhit Picarin, ndërsa Dhurata Saliaj ishte dënuar me 4 vjet e 6 muaj burg për veprën penale të krijimit të kushteve për kryerjen e vrasjes.

Ngjarja u shënua në Qershor të 2021, kur Mexhit Picari dhe vajza e tij shkuan në lokalin ku ishte ulur viktima dhe e vëzhguan për rreth 20 minuta. Nga çanta e të bijës, ai mori armën dhe qëlluan viktimën.

Taksisti A.I. dëshmoi se Dhurata Saliaj kishte biseduar me babanë e saj në telefon para vrasjes, duke i thënë 'Baba, bëhu gati, merr rrobat e punës, se po vij me taksi'.

Pas krimit, Dhurata dhe i ati u larguan nga lokali dhe më pas u larguan veç e veç me taksi.

Sipas të dhënave, Mexhit Picari ka gënjyer në dëshminë e tij dhënë në polici, duke thënë se viktima e kishte ofenduar dhe për këtë arsye ai e kishte qëlluar.

Një ditë para vrasjes, viktima kishte pasur një debat të ashpër me ish-bashkëshorten e tij Dhuratën.

16-vjeçari, i pyetur nga policia, deklaroi se nuk kishte qenë i pranishëm në vendngjarje dhe se nëna e tij ushtronte dhunë ndaj tij, motrës dhe vëllait të tij të vogël.

Burim: Ekonomia Online, https://ekonomiaonline.com/vrau-dhendrin-me-armen-qe-e-mori-ne-canten-e-se-bijes-rrezohet-denimi-me-burg-perjete-per-shqiptarin/
— Redaksia ZHURMA