Më shumë shi në Tetovë dhe më ftohtë në Kodrën e Diellit
Tetova shënon reshjet më të larta të shiut në 24 orët e fundit, ndërsa Kodra e Diellit regjistron mëngjesin më të ftohtë.
Redaksia ZHURMA · · 1 min lexim
TETOVË — Gjatë 24 orëve të fundit, reshjet më të mëdha të shiut në vend janë regjistruar në Tetovë me 16 litra për metër katror, e ndjekur nga Kriva Pallanka me 13 litra për metër katror. Sipas të dhënave nga Drejtoria për Hidrometeorologji, në Petrovec afër Shkupit kanë rënë 11 litra për metër katror, në Zajçev Rid dhe Kodrën e Diellit 9 litra, në Prilep, Krushevë, Kavadar dhe Demir Kapi 7 litra, kurse në Pretor, Strumicë dhe Pozharan 6 litra për metër katror. Reshje më të ulëta janë shënuar edhe në Veles, Vinicë, Gevgjeli, Shtip, Kumanovë, Mavrovë dhe Gjurishtë. Ndërkohë, mëngjesi më i ftohtë është shënuar në Kodrën e Diellit, ku temperaturat kanë arritur deri në 4 gradë celsius.
