Maqedonia ndalon lëvizjen në pyje nga 1 korriku
Pse zvogëlon Mickoski përgjegjësinë qeveritare te "sezoni është i tillë siç është"?
SHKUP — Qeveria e Maqedonisë së Veriut ka miratuar masa të reja për menaxhimin e zjarreve gjatë sezonit të verës, njoftoi kryeministri Hristijan Mickoski. Nga 1 korriku do të hyjë në fuqi ndalimi i lëvizjes në pyje pa leje përkatëse, si pjesë e paketës së masave preventive.
Sipas Mickoskit, të tre avionët e shuarjes së zjarreve janë servisuar në kohë, ndërsa mjetet ushtarake janë përshtatur për intervenime në raste zjarresh. Komunat kanë marrë udhëzime përmes BNjVL-së për kontrollin e subjekteve kolektive, depositeve dhe vendeve të tjera potencialisht të rrezikshme.
"Qeveria ka miratuar një vendim për ndalimin e lëvizjes në pyje nga 1 korriku. Si Qeveri i kemi ndërmarrë të gjitha masat, por fakt është se sezoni është i tillë siç është", deklaroi Mickoski. Institucionet janë në koordinim me komunat për kontrollin e zonave me rrezik.
Autoritetet apelojnë te qytetarët të mos ndezin zjarre në ambiente të hapura dhe të raportojnë menjëherë çdo rast të dyshimtë që mund të paraqesë rrezik për pyjet dhe mjedisin.
Burim: Tetova Sot
— Redaksia ZHURMA