Manchester City transferon Elliot Andersonin për 134 milionë euro
23-vjeçari anglez ka nënshkruar një kontratë pesëvjeçare që do ta mbajë në stadiumin Etihad deri në verën e vitit 2031.
MANCHESTER — Manchester City ka zyrtarizuar transferimin e mesfushorit anglez Elliot Anderson nga Nottingham Forest për 134 milionë euro. 23-vjeçari ka firmosur një kontratë pesëvjeçare, e cila do ta mbajë atë në stadiumin Etihad deri në verën e vitit 2031.
Sipas gazetarit Fabrizio Romano, shuma e paguar prej 134 milionë eurosh nuk përfshin bonuset e mundshme, duke e bërë këtë lëvizje një nga transferimet më të shtrenjta në historinë e futbollit anglez. Anderson u transferua te Nottingham Forest në vitin 2024, pasi më herët e kishte nisur karrierën te Newcastle United.
Mesfushori vlerësohet si një nga talentet më të mëdhenj të mesfushës angleze, i cili vjen te City pas dy sezonesh ku humbi vetëm një ndeshje kampionale dhe fitoi ftesën në Kombëtaren e Anglisë të drejtuar nga Thomas Tuchel. Pavarësisht moshës së re, ai ka zhvilluar tashmë 174 ndeshje në nivel senior dhe numëron shtatë paraqitje me Anglinë.
Burim: Telegrafi
— Redaksia ZHURMA