Majko: Reflektimi pas vendimit të Hagës duhet të jetë kolektiv
Ish-kryeministri shqiptar Pandeli Majko reagon pas vendimit të Gjykatës Speciale, duke kërkuar reflektim kolektiv dhe ngushëllim që UÇK-ja doli e pastër nga gjykimi.
Redaksia ZHURMA · · Përditësuar · 2 min lexim
Pandeli Majko, kryeministër i Shqipërisë në kohën e luftës së Kosovës, pas vendimit të Gjykatës Speciale në Hagë ndaj ish-drejtuesve të UÇK-së, shpreh pikëpamjen se reflektimi se ku gabuam duhet të jetë kolektiv. Ai shkruan se dënimet e fundit në Hagë e kanë kthyer politikën shqiptare në një varrezë ambicjesh.
Majko thotë se ngushëllimi i parë është që UÇK-ja doli e pastër nga gjykimi në Hagë, por po rikonsiderohet si një ushtri e mirë me drejtues të akuzuar për krime lufte. Sipas tij, krimet e luftës për të cilat akuzohen drejtuesit e UÇK-së janë kryesisht të periudhës së pasluftës, pas nënshkrimit të marrëveshjes së Kumanovës.
Ai shton se këto krime janë pjesë e betejave politike se kush do të drejtonte Kosovën pas luftës, duke u paketuar dëshmitë e spiunëve të Serbisë me ata që u përplasën politikisht me ish-drejtuesit e UÇK-së. Majko vlerëson se Serbia, si aktorja më aktive e gjykatës, kërkon një justifikim substancial për krimet e saj shtetërore karshi shqiptarëve.
