Lutfi Dalipi shënon në Zvicër, por Vaduzi mposhtet nga Servette

Futbollisti Lutfi Dalipi ka vazhduar paraqitjet e mira në futbollin zviceran, duke realizuar golin e pestë në kampionat për këtë edicion. Sulmuesi kosovar shënoi golin e vetëm për Vaduzin në ndeshjen e vlefshme për xhiron e 11-të të Superligës së Zvicrës, ku skuadra e tij u mposht me rezultatin 2-1 në udhëtim ndaj Servettes.

Dalipi gjeti rrugën drejt rrjetës në minutën e 77-të të takimit, por ky realizim nuk mjaftoi për të shmangur disfatën e skuadrës. Ai e kompletoi ndeshjen, njësoj si bashkëkombësi i tij Liridon Berisha, i cili gjithashtu u aktivizua për Vaduzin. Ndërkohë, portieri Leo Besson e ndoqi ndeshjen nga stoli i rezervistëve te skuadra e Servettes.

Përveç pesë golave të shënuar në kampionat, sulmuesi ka dhënë edhe nëntë asistime këtë sezon, duke dhënë një kontribut të rëndësishëm në repartin ofensiv të Vaduzit.