LSDM mbështet idenë e PLD-së për ligjin e shtetësisë së dyfishtë
LSDM ka deklaruar se mbështet iniciativën e PLD-së dhe kërkon kthimin e projektligjit për shtetësinë e dyfishtë në Kuvend.
Redaksia ZHURMA · · 1 min lexim
LSDM ka shprehur mbështetjen për idenë e PLD-së, duke theksuar se tashmë ka paraqitur një projektligj për shtetësinë e dyfishtë. Sipas kësaj partie, ky ligj duhet të vlejë për deputetët e kësaj përbërjeje, ministrat, zyrtarët qeveritarë dhe drejtorët e ndërmarrjeve publike.
Nga LSDM bëjnë të ditur se ndërkohë që po zhvilloheshin festimet për 35 vjet pavarësi, Ligji për Kufizimin e Shtetësisë së Dyfishtë të Zyrtarëve mbeti i bllokuar. Partia kërkon që projektligji të kthehet në rendin e ditës të Parlamentit dhe të miratohet pa vonesë, duke shtuar se besnikëria e vërtetë i takon një shteti.
