Çfarë lojëra të paligjshme u zbuluan në klubin e kosovarit në Zvicër?

Zvillikon — Një 55-vjeçar nga Kosova dyshohet se organizonte lojëra të paligjshme të fatit në klubin e tij kulturor në Zwillikon të Zvicrës. Rasti u zbulua gjatë një bastisjeje të kryer nga Policia e Kantonit të Cyrihut të shtunën në mbrëmje.

Gjatë kontrollit, policia gjeti rreth dhjetë persona duke luajtur poker dhe një lojë tjetër me letra për para, në kundërshtim me ligjin. Menaxheri i klubit pritet të përballet me akuza për organizim të paligjshëm të lojërave të fatit, si dhe për një sërë shkeljesh të tjera penale.

Burim: Gazeta Express
— Redaksia ZHURMA