Liderët e Luginës synojnë deputetin e tretë pas bashkimit në një listë

Udhëheqësit politikë në Luginën e Preshevës janë bashkuar në një listë të vetme dhe u kanë bërë thirrje qytetarëve që t'i përgjigjen votimit në zgjedhjet parlamentare në Serbi. Kryetari i Partisë për Veprim Demokratik, Shaip Kamberi, u shpreh se puna e deputetëve të ardhshëm do të orientohet drejt shtruarjes së kërkesave që përbëjnë vazhdimësi të atyre nga vitet 2001, 2009, 2013 dhe 2022, në raport me qeverinë e re, ndërkombëtarët dhe procesin e lobimit për të drejtat e shqiptarëve.

Visar Mehmeti, kryetar i Alternativës për Ndryshim, deklaroi se bashkimi i subjekteve pas gjashtë vjetësh rrit bindjen se mund të arrihet sërish rikthimi i deputetit të tretë në parlamentin e Republikës së Serbisë. Ndërkohë, kryetari i Lëvizjes së Progresit Demokratik, Shqiprim Musliu, bëri thirrje që populli shqiptar të dalë masovikisht për të votuar Koalicionin Shqiptar me numër 17, duke përcjellë një mesajh bashkë me Kosovën, Shqipërinë dhe faktorin kombëtar.

Kryetarja e Komunës së Preshevës, Ardita Sinani, theksoi se ky përbashkim pritet të rrisë numrin e deputetëve dhe të mundësojë një sensibilizim më të madh të problemeve të shqiptarëve edhe jashtë parlamentit. Apel për pjesëmarrje masive në zgjedhje ka drejtuar gjithashtu edhe Këshilli Kombëtar Shqiptar.