Zafir Berisha: Gati të hyj sërish në luftë për katërshen e UÇK-së

Ish-deputeti i Kosovës, Zafir Berisha, ka deklaruar se është i gatshëm të hyjë sërish në luftë për katërshen e ish-krerëve të UÇK-së që ndodhen në Hagë, duke komentuar vendimin dënues të Gjykatës Speciale. Sipas tij, pas këtij vendimi në pyetje është vetë shteti i Kosovës.

«Unë i kam shumë shokë ata, për ata jam në gjendje me hy edhe njëherë në luftë edhe në flakë. Në pyetje është Kosova, o burrë!», u shpreh Berisha, duke shtuar se Partia Demokratike e Kosovës ndodhet në duart e njerëzve të preferuar që kanë ardhur nga ambasadat që nga koha e Hashim Thaçit dhe Kadri Veselit.