LDK-ja miraton nominimin e Bekim Sejdiut për president dhe fton deputetët ta votojnë

Kryesia e Lidhjes Demokratike të Kosovës ka miratuar në mënyrë unanime marrëveshjen politike për tejkalimin e krizës institucionale dhe propozimin për kandidaturën e profesor Bekim Sejdiut për President të Republikës së Kosovës. Pas mbledhjes, partia u ka bërë thirrje deputetëve të Grupit Parlamentar të LDK-së që të votojnë për Sejdiun, duke theksuar se ky vendim përfaqëson qëndrimin zyrtar dhe institucional të partisë për ruajtjen e institucioneve dhe shmangien e një krize të re politike.

Më parë, kjo çështje kishte kaluar nëpërmjet dakordimit mes Lëvizjes Vetëvendosje dhe LDK-së rreth këtij propozimi.