LDK braktis sallën, konstituimi i Kuvendit dështon sërish
Përplasja për rendin e votimit të nënkryetarëve bëri që LDK-ja të largohet nga salla, ndërsa kryetarja Albulena Haxhiu njoftoi se seanca vazhdon të dielën në orën 10:00.
Redaksia ZHURMA · · 1 min lexim
Përpjekja e radhës për konstituimin e Kuvendit të Kosovës ka dështuar, pasi Lidhja Demokratike e Kosovës u largua nga salla e seancave. Sipas burimeve, deputetët e LDK-së kërkuan që fillimisht të zgjidhej nënkryetari i dytë dhe të respektohej rendi i përcaktuar në procedurë, përpara se të kalohej te kandidati i tyre. Kryetarja e Kuvendit, Albulena Haxhiu, insistoi që në votim të hidhej edhe propozimi i LDK-së për nënkryetar, pa u përfunduar më parë procedura për nënkryetarin e PDK-së.
Pas largimit të LDK-së, Haxhiu njoftoi se seanca konstituive do të vazhdojë të dielën në orën 10:00. Ky është ndërprerja e dytë radhazi e vazhdimit të seancës konstituive. Gjatë seancës, deputetët votuan me 71 vota që kandidatët për nënkryetarë të votohen veç e veç, pasi nuk kishte dakordim për votim në pako.
Më herët, Kuvendi kishte zgjedhur Albulena Haxhiun kryetare të re. Konstituimi i legjislaturës së re mbetet i bllokuar për shkak të mospajtimit mes partive për mënyrën e votimit të nënkryetarëve.
