Lamallari: bllokuesit e trafikut do të ndëshkohen — kamera Smart City në akset kombëtare
Ministri i Punëve të Brendshme thekson sjelljet që pengojnë lëvizjen e qytetarëve dhe krijojnë bllokime në trafik
Redaksia ZHURMA · · Përditësuar · 1 min lexim
TIRANË, 20 korrik /ATSH/ Ministri i Punëve të Brendshme, Besfort Lamallari, bëri apel sot për respektimin e rregullave të qarkullimit rrugor, duke theksuar se sjelljet që pengojnë lëvizjen e qytetarëve dhe krijojnë bllokime në trafik do të ndëshkohen. Në një reagim në rrjetet sociale, Lamallari u shpreh se për “kapriço të dikujt” nuk duhet të vuajnë drejtuesit e tjerë të mjeteve që respektojnë rregullat e qarkullimit.
Ministri Lamallari bëri të ditur se dronëve të Policisë së Shtetit do t’u shtohen së shpejti edhe kamerat inteligjente të sistemit Smart City, të cilat do të vendosen në akset kombëtare dhe rrugët kryesore të vendit.
— Burim: ATSH, ata.gov.al
— Redaksia ZHURMA
