Kuvendi voton nënkryetarët pa praninë e PDK-së dhe AAK-së

Ka nisur vazhdimi i seancës konstituive të Kuvendit të Kosovës, ku në rend dite është votimi i nënkryetarëve të Kuvendit. Në sallën plenare janë të pranishëm deputetët e Lëvizjes Vetëvendosje, të Lidhjes Demokratike të Kosovës, të Listës Serbe dhe disa nga komunitetet, ndërsa deputetët e Partisë Demokratike të Kosovës dhe Aleanca nuk po marrin pjesë në këtë proces.

PDK-ja ka bërë të ditur përmes një komunikate se nuk do të marrë pjesë në vazhdimin e seancës dhe ka tërhequr kandidaturën e Vlora Çitakut për pozitën e nënkryetares së Kuvendit, duke paralajmëruar gjithashtu se çështjen do ta dërgojë në Gjykatën Kushtetuese. Më parë, procesi i konstituimit të Kuvendit ishte thirrur nga ora 10:00, teksa ky zhvillim vjen pas seancave të mëparshme ku Kuvendi kishte ngecur për shkak të mosmewrëveshjeve mes deputetëve.