Pse Kuvendi i RMV-së mori kredi 260 milionë eurosh?
Huamarrja do të shkojë për buxhetin, infrastrukturë dhe shlyerjen e eurobondit të vitit 2020.
SHKUP — Me 65 vota "pro", 14 "kundër" dhe asnjë abstenim, Kuvendi i Republikës së Maqedonisë së Veriut miratoi sot huamarrjen prej 260 milionë eurosh. Sipas zëvendësministrit të Financave Nikollçe Jankullovski, kredia do të mbulojë nevojat e buxhetit të përgjithshëm, projektet kapitale të infrastrukturës dhe shlyerjen e borxheve të vjetra, përfshirë eurobondin prej 700 milionë eurosh të marrë në vitin 2020.
Norma e interesit do të jetë e ndryshueshme, e bazuar në EURIBOR gjashtëmujor plus 2.1 përqind. Huadhënësit janë pesë banka ndërkombëtare: KfW IPEX Bank, BBVA, Erste Group, AKA Ausführkredit dhe Merrill Lynch International. Kredia do të tërhiqet në një këst, me periudhë shlyerjeje shtatë vjet dhe periudhë mospagimi tre-vjeçare. Shteti do të paguajë gjithashtu komision 1.4 përqind të shumës dhe 12,500 euro në vit agjentit të huadhënësve.
Burim: Telegrafi
— Redaksia ZHURMA