Kush ndihmoi në skemën e importit të ujit në vend të naftës?

PRISHTINË — Prokuroria Speciale e Kosovës ka nisur një aksion të gjerë në nivel vendi, ku po kryhen bastisje në disa lokacione të ndryshme. Aksioni lidhet me dyshimet për një mega-skemë kriminale të mashtrimit, ku kompani të shitjes dhe importit të derivateve po importojnë ujë në vend të naftës.

Në mundësimin e këtij mashtrimi të madh dyshohet se ndihmojnë edhe institucione të shtetit të Kosovës. Këtë situatë e ka pranuar edhe Dogana, ndërsa me rastin janë të njoftuara Prokuroria në Kosovë dhe SPAK-u në Shqipëri, pas hetimeve për dyshimet mbi importin e ujit si naftë nga pompat e derivateve.

Deri më tani, organet e akuzës nuk kanë lëshuar një komunikatë zyrtare për këtë aksion të gjerë, por mediat kanë siguruar edhe pamje të kamionëve që janë zënë në flagrancë. Ky skandal tregon se si institucionet rregullatore kanë dështuar të parandalojnë skemat që dëmtojnë drejtpërdrejt konsumatorët dhe buxhetin shtetëror.

Burim: Demokracia
— Redaksia ZHURMA