Gjashtë nënoficerë të FSK-së përfundojnë trajnimet profesionale në Shqipëri
Gjashtë pjesëtarë të Forcës së Sigurisë së Kosovës kanë përfunduar trajnimet në Qendrën e Përgatitjes Profesionale të Nënoficerëve të Forcave të Armatosura të Shqipërisë.
Redaksia ZHURMA · · 1 min lexim
Gjashtë nënoficerë të Forcës së Sigurisë së Kosovës kanë përfunduar me sukses trajnimet profesionale në Shqipëri, të mbajtura në Qendrën e Përgatitjes Profesionale të Nënoficerëve në Forcat e Armatosura të Republikës së Shqipërisë. Këto trajnime janë zhvilluar në kuadër të avancimit të lidershipit, ngritjes së kapaciteteve të trupës së nënoficerëve dhe forcimit të aftësive drejtuese e udhëheqëse.
Në ceremoninë e diplomimit, ku morën pjesë kursantë dhe pjesëtarë nga Shqipëria dhe Kosova, u shënua përfundimi i Kursit të Kryekapterit, Kursit të Avancuar dhe Kursit Bazë të Nënoficerit. Sipas njoftimit zyrtar, ushtarakët kosovarë dëshmuan përkushtim në ngritjen e tyre profesionale.
Forca e Sigurisë së Kosovës ka theksuar se krijimi i një trupe profesioniste nënoficerësh, e aftë për të udhëhequr me shembull dhe për të rritur gatishmërinë operacionale të njësive, mbetet ndër prioritetet kryesore të saj. «Investimi në zhvillimin profesional të nënoficerëve është investim në lidership, profesionalizëm dhe gatishmëri operacionale», thuhet në njoftim.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar