Çfarë diskutoi Albin Kurti me studentët e ETH Zürich?
Kryeministri në detyrë priti në takim studentë ndërkombëtarë nga 15 vende, duke diskutuar për integrimin euro-atlantik dhe zhvillimin ekonomik të vendit.
PRISHTINË — Kryeministri në detyrë i Kosovës, Albin Kurti, ka pritur në takim studentë ndërkombëtarë të ETH Zürich nga 15 vende të botës, të cilët ishin të shoqëruar nga Hana Syla. Gjatë këtij takimi interaktiv, u diskutua për rrugëtimin euro-atlantik të Kosovës drejt BE-së, Këshillit të Evropës dhe NATO-s.
Sipas njoftimit, fokus i veçantë iu kushtua zhvillimit ekonomik dhe sektorit të teknologjisë së informacionit, i cili përbën 6% të Bruto Produktit Vendor. Kurti përmendi planet për ndërtimin e kullës TECH dhe investimet e tjera shtetërore.
Ai shtoi se me rininë dhe aftësitë e saj gjuhësore, Kosova ka potencial të madh për zhvillim, duke diskutuar gjithashtu për sundimin e ligjit dhe përparimin demokratik.
Burim: Telegrafi
— Redaksia ZHURMA