Kryeministri i Sllovenisë uron Albin Kurtin për mandatin e ri

Kryeministri i Republikës së Kosovës, Albin Kurti, ka pranuar një letër urimi për mandatin e ri nga homologu i tij slloven, Janez Janša. Në letrën e dërguar, kreu i ekzekutivit slloven ka shprehur besimin se partneriteti dhe marrëdhëniet miqësore mes dy shteteve do të vazhdojnë të forcohen në dobi të qytetarëve.

«Dua gjithashtu të shfrytëzojë këtë mundësi për të shprehur besimin e palëkundur që marrëdhëniet miqësore dhe partneriteti ndërmjet Sllovenisë dhe Kosovës do të vazhdojë të forcohet në dobi të qytetarëve tanë», ka shkruar Janša në letrën e tij.

Krahas urimeve për suksese në detyrë dhe gatishmërisë për vazhdimin e bashkëpunimit, kryeministri slloven ka theksuar rëndësinë që vendi i tij i kushton shteteve të Evropës Jug-Lindore. «Sllovenia i kushton rëndësi të posaçme marrëdhënieve të saj me shtetet e Evropës Jug-Lindore dhe përparimit të tyre në rrugën drejt integrimit Evropian. Ju lutem, jini të sigurt që Kosova mund të vazhdojë të llogarisë në mbështetjen e plotë të vendit tonë dhe në ndihmë në këtë fushë», ka shtuar ai.