Kurti kërkon reagim të BE-së për diskriminimin ndaj shqiptarëve në Luginë

Kryeministri në detyrë i Kosovës, Albin Kurti, priti sot në Prishtinë rreth 70 përfaqësues politikë dhe të shoqërisë civile nga Presheva, Bujanoci, Medvegja dhe Sanxhaku. Në takim morën pjesë deputeti Shaip Kamberi, kryetarja e Preshevës Ardita Sinani dhe kryetari i Këshillit Kombëtar Shqiptar, Enkel Rexhepi.

Gjatë fjalës së tij, Kurti dënoi bllokimin e një fondi prej mbi 2.1 milionë eurosh, që mbulon 186 projekte dhe organizata, si dhe 61 familje të nxënësve që kanë humbur prindërit. Ai theksoi se pasojat e këtij bllokimi prekin fëmijët me nevoja të veçanta, studentët, gazetarët dhe trashëgiminë kulturore.

Kryeministri në detyrë u ndal edhe te vizita e fundit e presidentit serb, duke kërkuar një reagim nga BE-ja kundër diskriminimit institucional ndaj shqiptarëve në Luginë.