Merz: Mali i Zi i ka plotësuar kushtet për BE, çështjet me Kroacinë zgjidhen

Kancelari gjerman Friedrich Merz ka deklaruar se Mali i Zi ka përmbushur pothuajse të gjitha kushtet për anëtarësim në Bashkimin Evropian, duke i cilësuar kërkesat e paraqitura nga kryeministri kroat Andrej Plenkovic si çështje të vogla lokale që mund të zgjidhen.

Gjatë ditës së dytë të Këshillit Evropian, në një konferencë për media, Merz shtoi se Bashkimi Evropian është i gatshëm të pranojë të gjitha vendet që i përmbushin kushtet për anëtarësim.

«Komisionit i është kërkuar që tani të hartojë edhe traktatin e anëtarësimit», deklaroi Merz, duke shtuar se ekzistojnë ende disa çështje të vogla lokale të ngritura nga kolegu i tij Plenkovic, por se të gjitha janë të zgjidhshme pas një diskutimi shumë konstruktiv të zhvilluar rreth Malit të Zi.

Kancelari gjerman theksoi gjithashtu se Bashkimi Evropian nuk është një dyqan i mbyllur, por një union i hapur për të gjitha shtetet e Evropës që i përmbushin kriteret për t'u bërë anëtare.