Kujtim Shala kërkon shpjegime nga LVV pas zgjedhjes si nënkryetar

Pasi u zgodh nënkryetar i Kuvendit, Kujtim Shala ka theksuar se Lëvizja Vetëvendosje është pala që duhet të jepë sqarime për ndryshimin e qëndrimit rreth votimit të tij, duke shtuar se vetë ai nuk e ka ndryshuar qëndrimin e tij. Në një përgjigje dhënë për Gazetën Express, ai ka përmendur se ky zhvillim tregoi qartë se Lidhja Demokratike e Kosovës nuk ka shkaktuar kurrfarë bllokade në procesin e konstituimit të Kuvendit.

Ky reagim vjen pasi Lëvizja Vetëvendosje kishte bërë të ditur përmes një mbledhjeje të brendshme vendimin për t'i votuar kandidatët e ardhur nga radhët e PDK-së dhe LDK-së. Një qasje e tillë shënoi kthesë krahasuar me seancën e mbajtur të premten, ku deputetët e LVV-së kishin lënë pa votuar kandidaten e PDK-së, Vlora Çitaku, ndërsa emri i vetë Shalës nuk kishte kaluar fare në votim, çka kishte shtyrë deputetët e LDK-së të largoheshin nga salla.