Pse janë krijuar kolona kilometrike në kufirin e Tabanocës?
Probleme teknike në sistemin e pikës kufitare maqedono-serbe kanë detyruar qindra automjete të presin për orë të tëra në vapë.
TABANOCË — Pesë kolona të gjata automjetesh po presin të kalojnë kufirin maqedono-serb në pikën kufitare “Tabanocë”. Udhëtarët po përballen me vonesa të konsiderueshme, ku shumë prej tyre kanë pritur për më shumë se një orë për të hyrë në Serbi nën temperaturat e larta të vapës.
Sipas informimit të Ministrisë së Brendshme, vonesat vijnë si pasojë e problemeve teknike që kanë bërë që sistemi i pikës së përbashkët kufitare të funksionojë ngadalë. Shërbimet kompetente kanë deklaruar se po marrin masa intensive për të eliminuar problemin dhe për të normalizuar funksionimin e sistemit sa më shpejt të jetë e mundur.
Burim: Alsat-M
— Redaksia ZHURMA