Kosova U17 pëson humbje të thellë ndaj Irlandës në kualifikimet evropiane
Kombëtarja e Kosovës U17 në futboll në konkurrencën e vajzave u mposht thellë nga Irlanda U17 në kuadër të kualifikimeve për Kampionatin Evropian.
Kombëtarja e Kosovës U17 në konkurrencën e vajzave ka pësuar humbjen e parë në kualifikimet për Kampionatin Evropian U-17. Pas një fitoreje dhe një barazimi në dy ndeshjet e para, vajzat tona pësuan një humbje të rëndë ndaj Republikës së Irlandës. Ndeshja u zhvillua në stadiumin «Arena Egnatia» në Rrogozhinë, ku Irlanda e zgjidhi çështjen e fituesit me një paraqitje bindëse. Futbollistet e Përfaqësueses U17 të Kosovës janë mposhtur thellë nga Irlanda U17 me rezultatin 6:0, në kuadër të kualifikimeve për Kampionatin Evropian 2027.
Në këtë ballafaqim, Lara Dallaghan dhe Ellen Goggin realizuan nga dy gola për fitoren e Irlandës. Në listën e golashënueseve u regjistruan edhe Hailey Toomey dhe Maisy Healy, me nga një gol secila, duke e vulosur rezultatin përfundimtar të takimit.
Për sa i përket renditjes në grupin përkatës, Kosova U17 është në Grupin 1 dhe renditet në pozitën e tretë me katër pikë, pasi kishte fituar më parë ndaj Azerbajxhanit dhe kishte barazuar pa gola me Shqipërinë. Në anën tjetër, Irlanda U17 i prin grupit me nëntë pikë, kurse Shqipëria e zë vendin e dytë me katër pikë, ndërsa Azerbajxhani ndodhet në pozitën e fundit pa pikë.