Ku zbarkuan Krimet Ekonomike të enjten për të inspektuar parkingjet private?
Njësitë e Hetimeve të Krimeve Ekonomike zhvilluan operacion në rajonin e Gjakovës kundrejt parkingjeve të dyshuara për shmangje tatimore dhe mungesë licence.
GJAKOVË — Njësitë e Hetimeve të Krimeve Ekonomike zhvilluan të enjten operacion në rajonin e Gjakovës, ku në fokus ishin parkingjet private të dyshuara që ushtrojnë veprimtari pa regjistrim biznesi, pa licencat e nevojshme, pa pajisje fiskale dhe me dyshim për shmangje të tatimeve.
Sipas burimeve të Sinjalit, një numër i konsiderueshëm parkingjesh në Kosovë funksionojnë jashtë standardeve minimale ligjore, situatë e ngjashme duke u evidentuar edhe në rajonin e Gjakovës. Hetuesit do të verifikojnë statusin juridik të operatorëve, mënyrën e arkëtimit të pagesave, deklarimin e të hyrave dhe përmbushjen e obligimeve fiskale.
Në kuadër të këtij aksioni paraparë të ketë koordinim me Administratën Tatimore të Kosovës dhe inspektoratet kompetente me qëllim të evidentimit të të gjitha shkeljeve eventuale. Nëse konstatohen shkelje, pronarët mund të përballen me procedura penale dhe administrative. Sinjali ka tentuar konfrimin zyrtar, por nuk ka pranuar përgjigje deri në publikim.
Të gjitha pretendimet për shkelje mbeten në fazën e verifikimit dhe hetimit. Çdo person ose subjekt gëzon prezumimin e pafajësisë derisa përgjegjësia eventuale të konstatohet me vendim të formës së prerë.
Burim: Gazeta Metro
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr për me e thanë mendimin.