Ku do të mblidhen protestuesit e diasporës në Tiranë nesër?
Organizatorët e protestës i ftojnë shqiptarët në diasporë të vijnë në Tiranë më 4 korrik për protestën më të madhe kombëtare.
TIRANË — Në mbyllje të protestës së 34-t para kryeministrisë në mbrëmjen e sotme, para se të niset marshimi tradicional spektakolar i mijëra qytetarëve, organizatorët i bëjnë thirrje edhe diasporës dhe shqiptarëve që të mblidhen në Tiranë nesër, më 4 korrik.
‘Nesër e gjithë Shqipëria në shesh. Të gjithë emigrantët, familjarët dhe miqtë do të jenë në shesh, nga Konispoli në Vermosh e tutje’, u deklarua nga organizatori në podium. Fjalët theksojnë ftesën për të gjithë emigrantët të marrin pjesë së bashku me djemtë e arrestuar.
Organizatorët paralajmërojnë se protestë e së nesërmes synon të jetë tubimi më i madh që nga nisja e lëvizjes, duke kërkuar lirimin e personave të arrestuar në protestat e mëparshme dhe dorëheqjen e qeverisë. Protesta pritet të mbajë një masë kombëtare të rrallë në historinë e vendit.
Burim: Almakos
— Redaksia ZHURMA