Kryesia e LDK-së miraton nominimin e Sejdiut dhe fton deputetët ta votojnë

Kryesia e Lidhjes Demokratike të Kosovës ka zhvilluar mbledhjen e saj ku ka miratuar në mënyrë unanime marrëveshjen politike për tejkalimin e krizës institucionale dhe propozimin për kandidaturën e profesor Bekim Sejdiut për President të Republikës së Kosovës. Gjatë këtij takimi, Kryesia u ka bërë thirrje deputetëve të Grupit Parlamentar të LDK-së që gjatë procesit të votimit të veprojnë në përputhje me autorizimet e Kuvendit të partisë dhe vendimin e Kryesisë.

Kujtojmë se Lidhja Demokratike e Kosovës dhe Lëvizja Vetëvendosje kishin arritur më parë pajtueshmëri për nominimin e ish-gjyqtarit të Kushtetueses, Bekim Sejdiu, për kryetar të shtetit.