Asllani pritet të huazohet te Sassuolo — 10 milionë euro opsioni i blerjes
Mesfushori i Kombëtares së Shqipërisë është pranë transferimit për 10 milionë euro
Redaksia ZHURMA · · 1 min lexim
MILANO — Kristjan Asllani pritet ta vazhdojë karrierën në Serie A, por jo te Interi. Mesfushori i Kombëtares së Shqipërisë është pranë transferimit te Sassuolo, me klubin italian që ka arritur marrëveshje me Interin për huazimin e tij.
Marrëveshja pritet të zyrtarizohet brenda pak ditësh, pasi edhe Asllani, në parim, është pajtuar t’i bashkohet Sassuolos në formë huazimi. 24-vjeçari nuk bën pjesë në planet e Interit për sezonin e ri dhe klubi zikaltër tashmë e ka njoftuar futbollistin dhe përfaqësuesit e tij për vendimin. Sassuolo pritet të ketë opsionin e blerjes së Asllanit në verën e ardhshme për 10 milionë euro.
Burim: Epoka e Re
— Redaksia ZHURMA
