Trajneri i Sassuolos flet për situatën e Arijanet Muriqit
Alberto Aquilani flet hapur për formën e portierit të Kosovës te Sassuolo pas gabimeve të fundit.
Redaksia ZHURMA · · 1 min lexim
Portieri i kombëtares së Kosovës, Arijanet Muriq, po kalon një periudhë sfiduese te skuadra italiane Sassuolo, pas disa gabimeve në ndeshjet e fundit. Në disfatën 4-2 kundër Frosinones në xhiron e kaluar, paraqitja e tij ngriti pikëpyetje rreth formës aktuale, duke ndikuar edhe në rezultatet e përgjithshme të ekipit.
Situata e krijuar rreth portierit u diskutua nga trajneri Alberto Aquilani gjatë konferencës për shtyp. Strategu italian shprehu vlerësim për portierin kosovar duke theksuar se ai zotëron potencial për të luajtur në çdo kampionat botëror. «Kam respekt të pafund për këtë lojtar. E shoh si portier me potencial të konsiderueshëm. Ai mund të luajë në çdo ligë në botë. Është e qartë se po kalon disa vështirësi. Gabimet e tij të përsëritura po ndikojnë tek ai dhe te ekipi», deklaroi ai, duke shtuar se ka biseduar me lojtarin dhe e konsideron një djalë inteligjent e të sjellshëm.
Për ndeshjen e radhës, ku Sassuolo luan në udhëtim ndaj Comos, tekniku italian ende nuk ka marrë një vendim përfundimtar nëse portieri do ta nisë takimin nga minuta e parë apo do të mbetet në stol.
