Pse KQZ-ja nis votimin me postë katër ditë më herët?
Ndryshimi i afatit vjen pasi DHL dhe postat evropiane nuk do të punojnë më 25 maj për shkak të festës zyrtare.
PRISHTINË — Komisioni Qendror i Zgjedhjeve ka miratuar ndryshimin e planit të aktiviteteve për zgjedhjet e parakohshme parlamentare, duke nisur votimin me postë më 21 maj 2026, katër ditë para afatit fillestar.
Vendimi u mor në mbledhjen e 52-të të KQZ-së, të kryesuar nga Kreshnik Radoniqi. Ndryshimi erdhi pas njoftimit të kontraktorit se DHL dhe shërbimet postare në disa vende evropiane nuk do të punojnë më 25 maj për shkak të një feste zyrtare.
KQZ bëri të ditur se në periudhën 22–26 maj nuk do të ketë shpërndarje dhe pranim të dërgesave. Aktivitetet përgatitore synojnë që procesimi dhe dërgimi i pakove me fletëvotime për votuesit e regjistruar të përfundojë para kësaj periudhe bllokimi.
Burim: Zëri
— Redaksia ZHURMA