Korçë: Plagoset 19-vjeçari me thikë, kapet autori që kishte thyer arrestin

KORÇË — Një konflikt mes disa të rinjve në Korçë ka përfunduar me plagosjen me thikë të një 19-vjeçari në lagjen nr. 11 të qytetit. I plagosuri me iniciale M.A. ka marrë një plagë në kofshë dhe po merr mjekim në spitalin e Korçës, ku ndodhet jashtë rrezikut për jetën.

Shërbimet e komisariatit kanë bërë të mundur kapjen e autorit të dyshuar, 23-vjeçarit me iniciale R.I., pak minuta pas ngjarjes. Sipas të dhënave, i riu kishte thyer masën e sigurisë «arrest në shtëpi», ndërsa gjatë kontrollit policor iu gjet edhe një sasi lënde e dyshuar narkotike kanabis.

Policia po vijon hetimet për zbardhjen e plotë të rrethanave dhe shkaqeve të konfliktit mes të rinjve.