Pse e falënderoi Konjufca kongresmenin Self?
Ministri në detyrë i Jashtëm ka falënderuar Keith Self për iniciativat në Kongres që mbështesin anëtarësimin e Kosovës në NATO.
Redaksia ZHURMA · · Përditësuar · 1 min lexim
PRISHTINË — Ministri i Punëve të Jashtme dhe Diasporës në detyrë, Glauk Konjufca, ka pritur kongresmenin amerikan Keith Self, kryetar i Nënkomisionit për Evropën në Komitetin për Punë të Jashtme të Dhomës së Përfaqësuesve të SHBA-së. Në takim ishte e pranishme edhe e Ngarkuara me Punë e Ambasadës së SHBA-së në Kosovë, Anu Prattipati.
Konjufca ka shprehur mirënjohje për rolin historik të SHBA-së ndaj Kosovës, duke theksuar se partneriteti është ndërtuar në momentet më të rëndësishme për lirinë, sigurinë dhe shtetësinë e vendit. Ai ka falënderuar Self për angazhimin e tij, përfshirë iniciativat në Kongres që mbështesin anëtarësimin e Kosovës në NATO dhe adresimin institucional të çështjes së të drejtave të shqiptarëve në Preshevë, Bujanoc dhe Medvegjë.
Ministri në detyrë ka shprehur gatishmërinë për thellimin e bashkëpunimit, duke theksuar se SHBA-ja mbetet aleati kryesor strategjik i Kosovës.
Burim: Zëri
— Redaksia ZHURMA
