Çfarë mund të presin fermerët nga kompensimi 10%?
Si mund të aplikojnë fermerët për përfitimin e kompensimit të ri?
TIRANË — Administrata Tatimore publikoi një udhëzues praktik për fermerët mbi mënyrën e aplikimit për përfitimin e kompensimit në masën 10% të shitjeve të produkteve bujqësore. Aplikimet për këtë skemë nisin më 1 korrik 2026.
Udhëzuesi i orienton fermerët hap pas hapi për procedurën e aplikimit përmes platformës eFiling, duke synuar lehtësimin e aksesit dhe thjeshtimin e procesit të përfitimit. Dokumenti shpjegon në mënyrë të qartë kushtet që duhet të plotësohen për të përfituar kompensimin.
Administrata Tatimore thekson se ky mekanizëm mbështetës synon formalizimin e mëtejshëm të sektorit bujqësor dhe rritjen e të ardhurave për fermerët në të gjithë vendin.
Burim: ATSH
— Redaksia ZHURMA