Kompania "Pastrimi" pastron pikat e ndotura — apelon te qytetarët
Ndërmarrja njoftoi se ka kryer pastrimin e lokacioneve përkatëse dhe bëri thirrje për bashkëpunim që mbeturinat të mos hidhen sërish.
PRISHTINË — Kompania Rajonale e Mbeturinave “Pastrimi” ka apeluar publikisht te qytetarët që të mos hedhin mbeturina në hapësirat publike. Sipas njoftimit të kësaj ndërmarrjeje, punëtorët kanë bërë largimin e mbetjeve nga pikat përkatëse, por kërkohet bashkëpunim me qytetarët për të parandaluar ndotjen e sërishme të tyre.
Në këtë mesazh publik, kompania thekson se mbeturinat e grumbulluara tashmë janë larguar nga lokacionet, mirëpo apelon për kujdes të shtuar. Kompania u bëri thirrje qytetarëve që të bashkëpunojnë duke thënë: “Ne i larguam, por, ju lusim qytetarë, mos hidhni mbeturina. Ta ruajmë bashkë mjedisin ku jetojmë”.
Burim: RTV21
— Redaksia ZHURMA