Pse Uzuni është në dyshim për miqësoren me Izraelin?
Myrto Uzuni mund të humbasë miqësoren për shkak të një gjendjeje gripale.
TIRANË — Kombëtarja shqiptare e futbollit zhvilloi të martën stërvitjen zyrtare në stadiumin “Air Albania”, në prag të ndeshjes miqësore ndaj Izraelit. Ekipi i drejtuar nga trajneri Rolando Maran zbriti në fushë i plotë, me përjashtim të sulmuesit Myrto Uzuni.
Uzuni po kalon një gjendje gripale dhe do të vlerësohet sërish të mërkurën nga stafi mjekësor i Kombëtares për të përcaktuar nëse do të jetë i gatshëm për ndeshjen.
Burim: BalkanWeb
— Redaksia ZHURMA